古代攬炒論「予及汝皆亡」

    「予及汝皆亡」，出自「尚書·湯誓」。

予，我也。汝，你也。皆，偕也，同也，具也。

翻譯成白話：「我要同你攬炒！」

既然你搞到我生存唔到，咁我就要拉埋你一齊死，一齊行黃泉路。呢個 「汝」字指邊個？當然係指當時最有權力嘅夏桀，而佢可以話係暴政，暴君嘅代表。

佢嘅完整句子，係「時日曷喪，予及汝皆亡。」《尚書·湯誓》

時，是也。日，太陽，喻夏桀也。曷，何也。喪，亡也。
 孔穎達正義曰：「比日於夏桀，是曰：『是日何時喪亡？欲令早喪桀命也。」

當專制形成嘅時候，王者就好似一個太陽，而太陽絕無喪亡之理，猶云專制帝王權力通天，百姓感到無力，然受不住暴力嘅箝制，果種痛苦先引出下半句「予及汝皆亡」嘅反抗心理同埋抗暴嘅行動。

「時日曷喪，予及汝皆亡。」翻成白話就係呢個太陽（喻指夏桀）幾時先死呢？我們想同你攬炒。

而當時商湯敢於誓師伐夏，係基於「有夏多罪，天命殛之。」唔係話商湯敢於稱亂，而是夏桀無道，百姓生存唔到，呢個典故係在於曉諭反抗專制統治。


揆諸十九世紀末期，德國哲學家Pascal Mercier有句傳世銘言：「當獨裁成為事實，革命就是義務。」

當正義扭曲，社會撕裂，經濟生活困頓，置人民於水火，形成民間「革命無罪，造反有理」嘅思潮，係咁嘅話「時日曷喪，予及汝皆亡。」嘅道理就好接近了。

何謂革命？

革命輕則推翻政權，重則將掌權者送上斷頭台，桀紂如是，路易十六亦如是，林鄭亦如是，民主時代則繩之於法，或逃亡於國外，中外皆然。


#予及汝皆亡 #古代攬炒論