#施建章專欄
【香港隊不要五毛】
本來唔想寫，不過堅頂唔順啲五毛。話說香港羽毛球運動員伍家朗，在比賽中穿了一件黑色球衣，款式完全乎合奧運標準，同時完全乎合五毛的期望，背上以英文寫上Hong Kong China，一件波衫，五毛都有得講，睇嚟經濟唔好，無左蘋果日報無工開，要周圍攪事。話說五毛群組(名都廢事開，自己睇圖)，分享發帖，說伍家朗穿黑衣，兼無特區LOGO。民建聯90後通識教獅穆家駿，強烈讉伍家朗唔著有區旗的球衣。唔識字唔緊要，唔睇體育唔緊要，心地唔好至最差，不過通常啲黨博士學位買返黎，水平係咁上下。《太公報》FB專頁即時截圖回應，真係想用甘小文老師名句，五種水果，六種動物回佢地。以牠們的邏輯，球衣一定要有LOGO，中國國腳容志行當年參與世界盃外圍賽的球衣同樣無LOGO，這樣是否要批鬥或監禁？仲有，伍家朗唔係好似你班「人」咁，有黨養，球衣無贊助你唔幫手，慘到自己印衫出賽，仲有香港區旗要行政長官授權先俾用，民建聯黨員，你唔幫手搵777？

體育迷一定知道，運動員其實也很迷信，當穿開的鞋、球衣是順利，通常不會轉款。足球運動有兩個很經典的例子，1986年曼聯門將端納，頭四場比賽皆輸波，他當時詢問贊助商能否穿回上屆球衣，贊助商表示沒有問題，在第五場比賽立即保持不失並取得分數。1990年世界盃決賽，德國隊長馬圖斯穿著國家隊贊助商球靴損壞，他半場詢問能否穿回自己的贊助商球靴，原贊助商不批准，他換了新球靴，最終在決賽沒有主射致勝的十二碼，交由布林美主射，最後奪冠。當年香港還有一些學者，說馬圖斯狀態回落，沒有信心射十二碼。希望伍家朗不要將五毛的留言放在心，亦不需要更換球衣，因為是你落場比賽，不是五毛，真香港人一定全力支持您。
香港人加油！
香港運動員加油！
香港隊加油！

#港隊 #撐自己人 #入嚟睇港隊 #羽毛球 #伍家朗 #體壹專欄