【中秋天氣展望】根據天文台預測，雖然星期一至三期間日間會有陽光，但同時亦會有驟雨，而且雲量較多，中秋節當日局部地區更加有機會有雷暴！如果讀者有計劃呢幾日賞月或進行其他戶外活動，出門前就應該留意下天氣狀況，開個雷達睇睇會唔會有零散雨區發展喇！

相信大家最關心嘅都係中秋節呢個禮拜到底會唔會打風呢？天文台喺最新嘅九天天氣預報表示，現時位於呂宋附近嘅廣闊低壓區會喺未來一兩日逐漸發展，之後有較大機會向西移動並橫過南海中北部，但係路徑同發展就仍然有變數。有關呢個低壓系統嘅未來動向以及發展，MET WARN稍後會再作詳細更新。

MET WARN喺度先預祝各位中秋節快樂～