我諗我要認真澄清上面四條控罪

第一，我冇騙取過任何手足既資料，第二亦都冇散播不實流言同計劃利用籌款食人血饅頭，係有心人段章取義我錄音轉傳出去，並唔係食人血饅頭。

APS係好早期已經有做法律支援，好好好早期的確係我自己幫手搵律師擔保，但後期全部已經交哂律師搞，後期我自己係冇掂過任何手足資料，有心騙取資料既話點解我唔接手啲資料？呢個係回應第一項。

我向來錄音都分到一段段，好少可成段錄，係我戒心低，結果比人段章取義轉傳錄音，講成散播流言同計劃食人血饅頭。
呢個係回應第二項。

我計劃籌款係救手足，係因為APS本身有做法律支援，想一條龍搞埋前線幫助，並唔係食人血饅頭，再加一路以黎我自己都出左唔少，我要食人血饅頭唔洗等到今時今日先計劃。呢個係回應第三項。

到第四項，話我騷擾女手足？係啲女自己無啦啦主動PM flirt我，而我係被動，我有大量錄音可以聽下係咪我騷擾佢地。我亦冇自拍J圖，完完全全係比人老屈。

呢鋪野編排得咁好，根本就係有心人裝無心人，由我比狗咬之後，不斷有我資料、所謂控罪流出，屈我，故意做啲控罪出黎話我鬼。請問邊一個會知道我咁多資料，而且係未有宣傳要起我底就流出咁奇怪？
明眼人一睇就知唔對路啦。

另外，果幾個聯合既群組，有幾個係比人砌落個聯合聲明名單度，負責人根本冇聯合聲明過。

仲有，義士關注組同皇天擊殺五毛頻道，呢兩個組群的背景同謠言大家都應該聽過唔少.. 我就唔多講，大家細心諗下..